Tuesday, April 1, 2014

“ If we know how to breath, no one will steal our peace.”

အသိခြင်း ပေါင်းစပ်
တရံမလပ်ဖို့ ကြိုးစားရှိခိုက်
တစ်ယူဇနာ မခြားစေ
အချိန်နာရီ မသိစေ
ကာရံတံတိုင်းလည်း မခံစေ..။


တရံတစ်ခါမယ်
မုန်တိုင်းရယ် ထန် ဒီရေက မာန်ကြွ
ဟိုနေရာ တို့တို့ ဒီနေရာ ထိထိ
ကလိတိတိ မြားမိုးတို့ သည်းရွာတော့
ကွယ်~~ လာစမ်းဟဲ့..!! တဲ့
မောင်က ရင်ကော့ ကျွန်မ ခေါင်းမော့လို့
ကြည်သာမွေ့မွေ့ တိုးဝှေ့လျှောက်ခိုက်
လမ်းဟာ ကြမ်းချင်တိုင်းလည်း ကြမ်းခဲ့တယ်..။

အဲ့ဒီ လမ်းထက်
ဟောသည် နှလုံးအစုံရဲ့
ဝင်သက် ထွက်သက်တိုင်း
ဟန်ချက်ညီညီ ကာရန်လည်းကျ
မရိုင်းမယဉ်ပေါ့ပါးသော မေတ္တာအားနှင့်
တစ်ယောက်အရိပ် တစ်ယောက်
ကောက်ယူပွေ့ထွေး နွေးအေးစေလျက်
ခြေတစ်လှမ်းချင်း သတိပန်း ချခင်း
ခဏတိုင်းမှာ ဖွဖွနင်းရင်း ဆက်လျှောက်တယ်..။

ဒီလိုနဲ့
လွတ်လပ်ခြင်းတေး သံပြိုင်ကြွေးလို့...
ကြည်လင်စိတ်နဲ့ မျက်လွှာတို့ မှိတ်လို့...

မြားအစင်းစင်းကို ရင်ဆိုင်ဖြိုခွင်း
အလင်းထံစူးစိုက် မြတ်နိုးစွာ ဦးခိုက်ရင်းပဲ
(ကျွန်မတို့)
တိတ်တဆိတ် လှမ်းလျှောက် နေကြဆဲ..။

ခင်လေးငယ် :: 2014/ 03/ 06 :: 

with my Beloved Husband..!! ♥♥

No comments: